Stinkdyr

Ida sit og teiknar, då ho utbryt:

- Mamma, veit du ka eg har laga? Eg klarte å lage en slik hale som de dyra som stinka når de prompa har. Et stinkdyr!

Om det er definisjonen på stinkdyr, så jah ... eg kjenner vel nokre? Men eg skjøner godt kombinasjonen, eg gjer det.

Boktyven

Eg har nett lese Boktyven av Markus Zusak. Ei kjempefin bok! Eg vart reint glad i hovudpersonen; ei jente ved namn Liesel Meminger. Handlinga foregår i Himmelgaten i Tyskland under 2. verdskrig og vi får dermed Liesels perspektiv på krigen og det daglege livet som foregår i den. Kjærleik, venskap, sorg og sakn er naturlege tema som blir tatt opp i boka, og ein føler med Liesel i det meste som skjer.

"Året er 1939, og vi befinner oss i Nazi-Tyskland. Ni år gamle Liesels foreldre er sendt i konsentrasjonsleir, og Liesel bor hos fosterforeldre i Himmelgaten i München. En dag dukker jøden Max Vandenburg opp, og får holde seg skjult i familiens kjeller. Liesels fosterfar lærer henne å lese, og hun oppdager at hun ikke kan motstå bøker. Derfor stjeler hun dem, og deler historiene med naboene i bomberommet og med Max." (Bokkilden)

Boka anbefalast varmt, så spring og kjøp eller lån på biblioteket! No er det lesepause her i heimen, for når ein har lese ei så god bok, er det vanskelig å byrje på ei ny utan å sakne den førre. Er det nokon som har gode boktips, så tek eg gjerne imot!

Namnefest for Vetle

Laurdag 18. juli hadde vi namnefest for Vetle. Slekt frå Sunnmøre, Bergen og England kom og feira Vetleguten vår, og vi hadde ein strålande fin dag! Sola skein, det var varmt i veret - og både koldtbord og kaker var vellukka. Vetle fekk fine gåver som bøker, barnebestikk, røros pledd, handmala barnestol og armeband med meir.

Hovudpersonen med festpynten rundt.

Tante Anette syns kakene smakte godt!


På overflata var mor roleg -
men stressfaktoren inni kroppen var nokså høg!

Storesyster Ida fekk ei bursdagsgåve på førhand av Besta si: ein flott skulesekk! Gjett om ho var stolt! Sekken var med opp på soverommet på kvelden, og vart tatt med ned på stova tidleg neste morgon. No står pennal, matboks og skulekle på ønskelista før bursdagen, så eg tippar vesle frøkna er klar for skulestart 19. august?

Stolt og kry av første skulesekken!

På tur i fjæra

Noko av det kjekkaste vi veit hos Besta på Ulstein, er å gå i fjæra som ligg like ved. Ofte leikar vi i sanden, leitar etter fine steinar eller krabber eller vi badar - om det er ver til det.

Ida, Vetle og eg på tur ned til fjæra.

Sandleik.


Badedag! Men det var isande kaldt. Brr!

Ida fann mange fine steinar!

Sjå! Dei gjennomsiktige er finast.

Smilehjerte. Fordi mamma og pappa er kjærestar.

Vetle er 4 mnd ...

... og det er gøy å sjå kor aktiv han er! Han rullar frå rygg til mage - og har såvidt byrja å rulle tilbake igjen. Han pratar og ler, og er stort sett blid heile dagen. Etter mange netter med mykje amming og lite søvn, introduserte eg risgraut frå Hipp med banan og ferskensmak. Det falt i smak! Han smattar det i seg, og etter ei veke er vi no oppe i 2 x 0,5 porsjonar om dagen (formiddag og kveld). I natt sov han endelig litt bedre, så det kan kanskje ha ein samanheng?

"Klompen"

Grautatid!

Mmmm!

Tivoli

[Quote Ida]
E det kveld allerede no? Men dagen he vært så kort!
[/End quote]

Ja, for når ein har det gøy og får køyre karusell, smelte sukkerspinn på tunga og vinne fleire bamsar - så går tida fort!

Litt småforlegen.

Mmm! Eller?

1 .. 2 .. 3 .. 4 bamsar vann vi!

Blue Bleu Blå

Sommarferie 2009

Då er ferien starta, og i år er det rein Sunnmørsferie på oss! Vi skal nok ta det mest med ro, besøke vener og familie - og ha namnefest for Vetle. Bilturen oppover gjekk greit, men den tok 9 timar med lang pause på Førde. Både Vetle og Ida var litt lei undervegs, så det var godt med nokre pausar innimellom.

Jølster? Gloppen? Kanskje noko slikt? Fint var det, iallfall!

Litt is måtte til i varmen!

På ferga frå Folkestad til Volda bles det kaldt!

Storesøsters vekkarklokke

Storesøsters vekkarklokke seier "røøø, arrr". Klokka sprellar og siklar, og er stor for vekkarklokke å vere. Og eg trur storesøster er veldig glad i vekkarklokkas vekking.

Jonsok

Her i Bergen er det St.Hansfeiring, men eg vil kalle det Jonsok. Vi feira Jonsok i Gamle Bergen i lag med mange andre, og klarte såvidt å få parkert ulovlig og (nesten) forsvarlig i ein sving (= inga bot!). Der var eit relativt lite bål i forhold til bålet vi ungane klarte å samle på Haddal då vi sanka boss frå nabolaget, og det gjekk føre seg med brannvesen og veteranbrannbilar i bakgrunnen. Vi fekk kjøpt ferske, varme skillingsbollar av gamle koner, sett teater med Dukkenikkerne, drukke heksebrygg, ete rømegraut og klatremusa vår kom seg opp i eit tre (eller var det ei plante?). Ein skikkelig kosedag!

Ida oppe på ein veteranbrannbil

Båltenning

Dukkenikkerne med teateret "Alt & Ingenting"

Vetle låg for det meste i vogna.

Klatremusa

Etter eit par timar med moro,
ville vi sjå bålet i fyr og flamme.
Men jaggu vart vi skuffa: det var brent opp!

Vetle rullar!

Ein ny milepæl er nådd: rulling frå rygg til mage! Etter å ha rost i følgjande rekkefølgje både bæsjebleiar, rapar, fisar, smil, babybabbel og verdas herligaste gutelatter, kom det rulling frå rygg til mage - heilt uventa! Ricki skjønte ingenting då han fann Vetle på andre sida av leiketeppet liggande frivillig på magen, flinke guten!

Avslutningsfest i barnehagen

Det var avslutningsfest for ørnene, dvs. 5-åringane, i barnehagen i går - og i den anledning var det underholdning frå skuleungane-to-be. Ida hadde øvd seg på ein vits, som mor her har lova å ikkje røpe svaret på. Her er vitsen:

Kva er kvitt oppe i lufta og gult nede på bakken?
Veit du svaret?

Det var meininga å legge ut film av seansen, men fila er visst så stor at det ville tatt timar å laste den ned. Kanskje får eg hjelp til å gjere den mindre seinare i kveld?

Det var ei fin avslutning, iallfall. Både barn og vaksne koste seg med pølser, saft, kaffi og kaker. Og underholdninga var super, med vitsar, rapping og kor med songar som Glad apekattsang, Jeg liker dine store ører, Jeg vil bygge meg en gård, Lille måltrost m. fleire. Snart er det skulestart for dei store små, det blir ganske rart, litt vemodig og veldig spennande!

Ei gul skilpadde

Vetle er fascinert av babygymen sin, og trivst svært godt under den. Særleg er der ei merkeleg rar gul og blå skilpadde han likar:

Heilt fascinert ...

Eg ville nok vore meir redd dissa augo, om nokon stira slik på meg.

Mamma ♥ Vetle

Dåpen til Matheo

24. mai vart verdas skjønaste nevø døypt! Matheo var roleg både i selskapet sitt og i kyrkja. Ricki og eg var fadderar, og Ida fekk vere med fram og tørke hovudet etter han hadde blitt "dyppa". Det var stor stas!

Dåpsbarnet


Velkledde herrar: Ricki & Vetle, Stian & Matheo


Ida og Thea fann tonen med leik inne og ute

Onkel Ivar, tante Anette og Vetle

Kven tilhøyrer kven?
Bak f.v: eg, Ricki, Stian, Ivar og Olav.
Framme f.v: Ida, Anette, Vetle, mamma, Matheo og Connie.


Smukkasen min!

På slutten av kvelden vart enkelte litt tullete.

Middagsmeny

Inspirert av Skogheims på TV2, har eg laga 5 vekers middagsmeny. Vi startar i morgon, og satsar på pengar, frustrasjon og tid spart!

Vetle er født!

Vesle Vetle vår kom til verda 12. mars 2009! Han vog 4060 gram, var 54 cm lang og 36 cm rundt hovudet. Fødselen gjekk føre seg på Storken, med god hjelp frå jordmor Kari - ho var heilt super! Eg gjekk med riar heime i over eit døgn før dei kom tett, regelmessig og effektivt. Frå vi kom til KK til Vetle var ute, gjekk det 3 timar - kor 1,5 timar vart brukt i badekar; dette lindra veldig! Fødestova var nyoppussa og fin, og eg fekk eit flott bad med stort badekar, dempa belysning, telys og roleg musikk. Senga var mjuk og god, og eg kunne nok helst tenkt meg å sove enn å føde ettersom riane hadde vart så lenge. Akupunktur vart sett etter ei stund, men eg er uviss på om dette hadde effekt eller ikkje. Det skada iallfall ikkje! Eg pressa ut guten på 20 minutt, og mista så mykje blod at det kom folk til og sette sprøyter, tablettar og intravenøs væske inn i meg for å få meg på rett kjøl - eg skjønte ikkje anna enn at guten låg ved sidan av meg og at vi trengte å summe oss begge to! Men opplevinga var flott til trass for blødninga og nokre rift, og eg føder gjerne med hjelp frå Kari på Storken igjen!

Veldig sliten, litt pjusk - men veldig glad mamma rett etter fødsel.

Stolt storesøster

Vetle koser seg på pappas arm

Vetle nybada og fin, 1 veke gammal

Ønskeliste til baby

Eg har sett fleire lage ønskelister til baby, og tenkte derfor gjere det same. Nøstebarn har mykje fint!

Sparkebukse med fot frå Nøstebarn str. 62 i grøn, brun eller blå farge.

Body frå Nøstebarn i str. 56/62 i grøn, blå eller grå farge.


Ullfleecejakke med hette og treknapper i brun eller blå farge. Str. 62/68.

Ullfleeceteppe str. 80x100cm.

Og så er det enkelte ting som ikkje er frå Nøstebarn, tenke seg til:

Thildekluten! (Kan kjøpast på f.eks. barnibody.no)

Lamaze første speil

Baby Björn Balance Vippestol