Vinterens første snø!

I går kom den første snøen! Med clementinar (eller er det mandarinar? Eg veit aldri skilnaden) i hus, stearinlys i vindauget og snø ute er førjulstida alt komen. Kalendergåvene har vorte innkjøpt på to dagar, og no manglar berre 1. desember før stemninga skal vere i boks. Eg trur ikkje snøen held så lenge, men ein kan jo håpe den kjem att snart, om ikkje anna. Ida går ute og lagar spor, tek på snøen og lagar handavtrykk og synest det er kjekt. Påkleding er dessverre ein annan sak, så morgonane framover er travle ...